السبت، 17 نوفمبر 2012


أتمنى حكومتنا فعلا تسوي الكهرباء 24 ساعة وطنية ومن يضحك اخيرا يضحك كثيراَ
http://www.youtube.com/watch?v=Ho6zxuB8_Xg&feature=related&noredirect=1

رجال مشوربة تبجي من الخوف ..
والمؤامرة ما هي مؤامرة عبد الخالق السامرائي ولا النظام السوري ولا محي عبد الحسين
هي مؤامرة صدام حسين نفسه للاستحواذ على الحكم في العراق 
دموع صدام اللي نشوفها بالفيديو ليست دموع حزن على الرفاق ولا هي دموع خوف ابدا 
هي دموع ارتياح لنجاح مؤامرته واستحواذه على العراق 
فهذا كان الهدف منذ البدء
السيطرة على العراق كله من خلال ساتر او ستارة اسمها حزب البعث والذي انتهى وجوده تماما بعد نجاح صدام في هذه المؤامرة بالذات
فقد غدى هو الحزب وهو المؤسس وبات كل تاريخ العراق متمركز حول وجوده وقيادته الشخصية
وهذا الغيم النشوفه هو اللي جاب مطر اليوم 
منهو ذولة اليهتفولة؟
رجال من المريخ؟
لا ابدا مو من المريخ 
كلهم عراقيين من الشمال الى الجنوب 
نشوفهم اليوم بيناتنا بالبصرة والمثنى والنجف وكربلا والحلة وسامراء ورمادي وتكريت والموصل وانا لا استثني احدا 
واذا تكررت التجربة همين راح يهتفون يا يعيش لصدام وهم راح يبنوله تماثيل 
نفس التلوّك ونفس صناعة الفرعون 
والفرعون يعرف نفاقهم وما مهتم لانه سيطر .. انتهت 
نقطة راس سطر