بقاء الامريكاء مرفوض يقول النجيفي

والله الاستاذ اسامة النجيفي على نياته وخوش ادمي ، والله ضحكني اليوم بسالفته اللي يكول بيها :

أن بقاء القوات الأمريكية في العراق مرفوض شعبيا، مبينا أن الحكومة هي المعنية بتحديد بقاء تلك القوات من عدمه.
وقال في بيان صدر عن مكتبه، عقب لقائه القائم بأعمال السفارة الفرنسية في بغداد، عيسى مارو، إن مجلس النواب لم يتلق أي شيء يتعلق ببقاء القوات الأجنبية في البلاد.
واضاف النجيفي أن العراق مصر على أن يكون نموذجا متميزا للديمقراطية لافتا الى أن البلاد تمر بمرحلة انتقالية من النظام الشمولي الى النظام الديمقراطي.
عجبا النجيفي ما سمع ان اركان السفارة الامريكية راح يكون 20 الف شخص، والعدد قابل للازدياد الى ان يوصل الى 47 الف واحد بكد القوات اللي راح تطلع من الباب الدوار ، وترجع عبر نفس الباب الدوار ..

ما سمع الاخ النجيفي ان كل العقود العراقية راح يوكفون الاميركان عليها .. خو على فد وجه خلوهم ، عليش مصاريف الطبة والطلعة واغلاق وفتح معسكرات وهوسة وبفلوسهن افتحولنا مدرسة او مستشفى او حديقة، او انطوهن لمكتب رئاسة الوزراء امانة مثل باقي الفليسات الامانة يمهم