راح اهج يمكن لروما!!
وجيه عباس
راح اهج وامشي اعله كيفي شايل بدشداشة سيفي
حتى اطلّع منه حيفي العن الماضي ويومه
راح اهج يمكن لروما
***
راح اهج والبس تراجي هندي اصلي من كراجي
من سكت فد يوم حاجي يوصل لعرعر اعلومه
راح اهج يمكن لروما
***
راح اهج واشكي بليتي روحي صارت جنهه تيتي
مثل مارحتي اجيتي مثل خيّر عاف كَومة
راح اهج يمكن لروما
***
راح اهج والغطة غطّه ومن اغط تكَول بطّه
فوك راسي فرد جنطه واليشوف يكَول: بومه
راح اهج يمكن لروما
***
راح اهج امن الحكومة وكَع(حاء) ولنهه(كومه)
والله نامت فرد نومه ذكرت العادة حليمة
راح اهج يمكن لروما
****
راح اهج يمكن اصير ملك بالدوحة وامير
طلع صاحبنه بعير زين لحّكَـ عله اهدومه
راح اهج يمكن لروما
***
راح اهج تكَول لاكَف شاف والماشاف شايف!
والله اخلي السوكَـ واكَف مثل جيس وفوكَه كومه
راح اهج يمكن لروما
***
راح اهج من الرياسه بيت خربان من اساسه
لبس بسطال اعله راسه وتيّه الممشه ابقدومه
راح اهج يمكن لروما
***
راح اهج بغير فيزه والمايريد ايدير طـ....
ملص وي عباس بيزه يطبل ابصفحة الحومه
راح اهج يمكن لروما
ليست هناك تعليقات:
إرسال تعليق