من منكم لم يسمع بمصطلح اللبننة في السياسة ؟

لا .. القصد ما هو لبنة من لبن .. ياريت بقت على اللبنة والزعتر والزيت كان هانت 

اللبننة هو تحول الحكومة الى شوربة والى من كل قطر اغنية والى حكم الجميع في بلد الطوائف والملل والنحل

حيث كل منطقة لها القبضاي - القوي السرسري- المسؤول عنها وحيث تؤخذ الاتاوات من اجل الحماية وتوزع الكهرباء على الهوى 

عمي عليش جاي افسرلكم واتعبكم .. اللبننة مثل الحاصل بالعراق على مصغّر 

اقصد اللي عدنة بالعراق لبننة جبيرة والموجود في لبنان عرقنة صغيرة

بس يمكن هم فاقونا بسالفة وحدة والصور تحجي وتتكلم الاف الكلمات مثل ما يكولون الانكريز

الله عليكم من تتعرفون على ناس جدد ما تحاولون تكبتون رغبة بسؤال المقابل : انت .. شنو ومن وين؟

على اقل تقدير للاطمئنان للمقابل ؟

اصبحت الطائفة اليوم اهم من الدين نفسه .. واهم من الانتماء الى الوطن .. اصبحت هي المسطرة التي تقاس وفقها كل الامور

هل جاء لنا الامريكي بكل هذه الامور؟

بصراحة تامة لا .. وراح اتكولون اشلون لا؟

اكوللكم

منهو العلم الامريكي بهاي السوالف العوجة غير شلة الانس اللي جانت بالخارج واللي رجعتلنة وصارت حكومة؟

الامركان ما يعرفون عنا الا اللي احنا دليناهم عليه لانهم كلش محدودين بامور الشعوب بالعالم .. حتى انهم يسمون ولايات اميركا بالعالم (ذا ورلد) ..

تتصورون راح نوصل لحد ان نكتب وي الاسم الانتماء الطائفي ؟؟ اتكولون لا ما تصير ؟

لا .. صارت وممكن جدا على حالنا الردي بالعراق ان اتصير في اي لحظة وبقرار رئاسي بعد ..

اذا اكو سيارة شيعية معناها اكو سيارة سنية ودرزية ومارونية .. عجبا السيارة المندائية شلون شكلها ؟؟؟؟

شوفو منين متخرج الاخ .. من جامعة بالتيمور .. الحمد لله رب العالمين الذي لا يحمد على مكروه سواه 

يعني هذولة من كل عقلهم؟