من شدة العصف مال الانفجار طار بنيد سيارة فوك سطح بناية يم مجمع 28 نيسان .. اعذروني ما اعرف المجمع شصار اسمه اليوم
بس اكيد مو 28 نيسان .. المهم .. قصدي المجمع اللي بالصالحية الي جان يم وزارة الاعلام - السابقة- وهالنوع من العصف ما يصير الا من انفجار سي فور وبكمية جبيرة
طبعا ما ينرادلها اي كلام القاعدة اعلنت مسؤوليتها عن الانفجارات اللي سميناها في وقتها الاربعاء الاسود
زين السؤال اليطرح نفسه.. منين هالكميات الهائلة مال السي فور .. منين دخلت .. وكلنا نعرف ان الحكومات وحدها تمتلك هيج كميات تؤدي الى هالنوع من العصف .. الجواب معروف ..الجيران اللي على الغرب وتحديدا سوريا واجهزتها القمعية طبعا ..
واليوم يتهمون العراق بتصدير الارهاب والمقاتلين .. هي مال جذب؟ التصدير عنوان الحكومة السورية .. نقطة راس سطر
الله لا يعيد ذيج الايام الكشرة .. امين
ليست هناك تعليقات:
إرسال تعليق