ام عراقية تبحث عن اي خبر يخص ابنها المفقود لاعوام طويلة في غياهب اجهزة صدام القمعية .. قبور جماعية وقبور منسية .. وقبور في شط العرب ايضا .. تلك الايام التي تتحسر عليها المحامية بشرى الخليل ..
تقول المحامية بشرى الخليل بانها شاهدت دموع صدام حسين مرتين وتأثرت جدا ..
ومع قراءة كلماتها تذكرت كلمات ابو زيدون الوائلي وهو يصف شلتاغة .. تلك الميسانية التي امضت عمرها تنتظر اي خبر عن ابنها بعد ان اخذته اجهزة صدام القمعية الى مكان مجهول .. دموع صدام ام دموع شلتاغة؟
صريفه وسالفة.. ومعضد عشك مبيوع
شلتاغه قلب شايل حزن اجيال
من اول عمرها تلوع
شلتاغه السما التمطر قهر ودموع
شلتاغه جرح فشل الف تاريخ..ماطاب
بواجي اسبوع
صوت محمداوي بكل وكت مسموع
ما مكطوع ما مكطوع
يصعد للسما وينزل قهر ودموع
(كاظم ياضوه عيوني وشمعة البيت)
(كاظم يا بعد امك عليّ ابطيت؟؟)
شو ماجيت؟؟
وظل باب الصريفة متاني وانتي هناك
مشتعله عتب وهموم
المن بخرتي وحضريتي هدوم؟
كاظم للسجن طب وطلع معدوم
دم يابس عل التابوت
دم يصرخ عل التابوت
كاظم مات
والدوله تريد فلوس حبل الموت والجيلات
وانا باخر الدنيا بعدني اسمع نواعيج
واون وياج
واشوفج جايه من بعيد ..كل ريحة اهلنه وياج
واركض والحراثي تعاند اجدامي واجي اتلكاج
احط راسي بشليلج ونبجي انا وياج
( تطلع شمس ونعاتب الله)
(هلبت كسرنا خاطر الله)
هلبت.....؟
ليست هناك تعليقات:
إرسال تعليق